एमाले कार्यकर्ता लिएर महाधिवेशनको लागि झापाबाट चितवन हिँडेको गाडीमा ढुङ्गा प्र’हार - Like For Nepal    

एमाले कार्यकर्ता लिएर महाधिवेशनको लागि झापाबाट चितवन हिँडेको गाडीमा ढुङ्गा प्र’हार

नेकपा एमालेको १० औँ महाधिवेशनको लागि झापाबाट चितवन हिँडेको सवारीसाधनमा ढुङ्गा प्र’हार भएको छ । झापाबाट महाधिवेशन प्रतिनिधि लगायतका अन्य कार्यकर्ताहरूलाई लिएर चितवनतर्फ हिँडेको सवारीसाधनलाई मोरङको विराट चोक नजिकै ढुङ्गा प्र’हार भएको हो ।

ढुङ्गा प्र’हारबाट सवारीसाधनको सिसामा क्षति पुगेको छ । ढुङ्गा प्र’हार गर्नेहरूको खोजी भइरहेको भएता पनि अहिलेसम्म पक्राउ गर्न नसकिएको जिल्ला ट्राफिक कार्यालय मोरङले जनाएको छ । ढुङ्गा प्र’हारपछि एक छिन सडक अवरुद्ध भएको थियो ।केही समयपछि उक्त सवारी साधन चितवनतर्फ लागेको झापाबाट महाधिवेशनको लागि चितवन आउँदै गरेका पत्रकार राजकुमार ‌‌ओलीले बताए ।

नेकपा एमालेको १०‍औँ राष्ट्रिय महाधिवेशनका लागि प्रदेश १ बाट ४ सय ५० बस सौराहातर्फ हिँडेका छन् । जसमा झापाबाट मात्रै ४९ बस हिँडेको पत्रकार ‌ओलीले बताए ।प्रदेश १ बाट २५ हजार नेता कार्यकर्ता ओसार्न उक्त बस प्रयोग गरिएको जनाइएको छ ।

महाधिवेशनमा सहभागी हुने नेता कार्यकर्ता ओसार्न थप दुई सय बढी निजी गाडी पनि प्रयोग गरिएको छ । प्रदेश १ का तराईका तीन जिल्लाबाट सबै भन्दा बढी गाडी प्रयोग भएका छन् । झापा, मोरङ सुनसरीबाट तीन सय बढी सार्वजनिक गाडी कार्यकर्ता ओसार्न प्रयोग गरिएको नेकपा एमाले प्रदेश कमिटीले जनाएको छ ।

एमाले १ नम्बर प्रदेश कमिटी अध्यक्ष देवराज घिमिरेका अनुसार प्रदेश भरबाट महाधिवेशनका लागि २५ हजार सहभागी हुदैछन् ।महाधिवेशनमा सहभागी हुन नेता कार्यकर्ता जिल्ला-जिल्लाबाट हिँडिसकेको प्रदेश १ का अध्यक्ष देवराज घिमिरेले बताए ।गाडीको व्यवस्थापन भने जिल्ला तथा पालिका स्तरले आफै गरेका छन् ।

महाधिवेशन प्रतिनिधिमा मोरङबाट सबै भन्दा धेरै ५७, झापाबाट ४९, सुनसरीबाट ४२, धनकुटाबाट १६, ओखलढुगांबाट १२, इलामबाट २१, भोजपुर र तेह्रथुमबाट ९/९, खोटाङबाट १४, संखुवासभाबाट १३, उदयपुरबाट १६, सोलुबाट ७, पाँचथरबाट ८ ताप्लेजुङबाट १३ र प्रदेश १ मजदुर कोटाबाट ७ गरी कूल २ सय ९८ महाधिवेशन प्रतिनिधि चुनिएका थिए ।

Leave a Reply

Your email address will not be published. Required fields are marked *

error: Content is protected !!